2011年6月19日

優良教師 山寨之光

話說今年優良教師其中一個係山寨書院嘅鋒頭人物,兼且係山吹嘅親信--「樣該猥」。樣該猥係最高學府嘅精英博士,又曾經做過官員,咁有條件,唔知點解會泥教山寨中學呢?睇泥佢一定好有追隨山吹搞補習社嘅使命感。不如校董會打本比佢哋搞間「錢莊補習社有限公司」,以山吹刻薄嘅性格,唔單只唔會蝕本,更保證年年賺錢,話唔定好快就變成全球第一間上市的補習社,山吹做埋上市補習社董事甚至董事長,就無時間再日思夜想做大學校長,人人有好處,希望校董會認真考慮。

不過山吹一向對親信寬宏大量,絕不孤寒。就好似就算有抄襲行為嘅人,唔單只唔駛懲罸,重可以推薦佢做優良教師。唔知其他被推薦得獎嘅老師,同有抄襲行為嘅人同年被推薦,會有乜野感想呢?極度懐疑山吹係想係樣該猥離開山寨之前,仲要藉優良教師嘅名義,比番筆 bonus佢,作為埋自己堆嘅獎賞,目的為左話比學院其他嘅人知,聽教聽話又埋堆嘅人有糖食。校董會一定要注意此事嘅發展,唔好再比山吹在不公不義嘅情況之下,一再公款私用

講番轉頭,山寨裏面傳聞有個樣該猥「優良教師紀錄簿」:

在堂上拿同學洩憤 拿考試分數來恐嚇同學

2011年5月23日
山邊一隻羊留言:「精英博士看完此文後,可能又會四處向它的學生朋友大吐苦水、哭訴同學唔感恩。或者又在堂上拿同學洩憤,再次發表驚人言論、數臭同學、或拿考試分數來恐嚇同學。最高學府的畢業生真係唔簡單呀!」

摩根大通實習機會 黑箱作業幫手之一

2011年4月4日
不平人留言:「同學所交的學費,完全相同。任何學習機會都應公告周知,讓有興趣的同學申請,公平競爭、一視同仁。但是摩根大通的實習機會,整個挑選過程,秘而不宣,同學大多唔知情,這種漁利特定同學的作為,對於其他有意爭取這些實習機會的同學來說,算得上是公平嗎?今天校方藉用一些實習的機會,略施小惠;明天當然極有可能會故技重施,利用一些交流的名義,作為收買同學的手段。在唔知情的情況之下,有些同學有可能成為被有心人利用的工具而唔自知,知情以後,同學會作何感想?這種企圖操縱學校資源,乃至唔顧浪費學校資源,圖謀個人權位的做法,同學還願意容忍嗎?」

抄襲試題 讓補習天王聲名大噪

2011年3月3日
補習天王公開聲明在未與版權人接洽嘅情況之下,山寨書院在其校內的英文科期終模擬考試試題廣泛採用了補習天王相關材料。

2011年3月6日
山邊護衛留言:「這位確證抄襲(學術定義)的教師,擁有名校博士學位,應該十分了解抄襲是不容於學術界的行為。可惜曾經學術訓練的這位博士明知故犯,如果有學生質疑其品德,怎樣面對?又如果有學生因抄襲功課而需要該教師處理,公信力何存?

山邊學院嚴格規定學生寫報告及功課,不能有抄襲行為,如被發現抄襲,輕則成績0分,並要記過處分,重則開除學籍。山邊學院高層竟然不顧學院聲譽,明目張膽地將親信教師抄襲行為,視而不見、完全不加以懲處,甚至文過飾非、混淆視聽、推卸責任;然而,對於學生抄襲卻嚴加規範。這是甚麼道理?標準在那裡?而為人師表者,怎樣面對抄襲的後果?怎樣承擔抄襲的責任?」

在堂上拿同學洩憤,拿考試分數來恐嚇同學;幫手將摩根大通實習機會當作收買學生嘅手段;同埋抄襲試題,讓補習天王聲名大噪。樣該猥嘅優良紀錄,用手指加埋腳趾,數都數唔完。上邊所講,不過係其中幾件,就可以肯定樣該猥無論係教師操守,抑或是學術品德,唔單只唔合格,講白D直情係0分。最令人唔明白嘅係,有咁樣行為嘅教師,唔單只唔駛受任何處分,重有可能因為優良教師獎,而得到一大筆 bonus 。如果咁嘅人,都可以成為優良教師、山寨之光,真係要問:公義何在?!天理何在?!如果教育局知道有咁樣嘅教師得獎,唔知會唔會考慮取消頒獎呢?真係好想寫封信比教育局,問下咁嘅教師有無資格得獎。

投稿:小人物

沒有留言:

發佈留言

注意:只有此網誌的成員可以留言。